Qurlyqtyq hokkeı lıgasynyń (QHL) resmı saıtynda bıylǵy maýsymnyń toǵyzynshy aptasyndaǵy tórt atalym boıynsha úzdik dep tanylǵan oıynshylardyń esimi jarııalandy.
Bizder úshin eń qýanshyty jaıt, «Barys» klýbynyń sapynda óner kórsetetin 24 jastaǵy kanadalyq legıoner Darren Dıs aptanyń eń úzdik qorǵaýshy bolyp tanyldy. Astanalyq komandanyń sapynda ótkizgen tórt kzdesýde ol eki gol soǵyp, úsh ret nátıjeli pas berdi. Nátıjesinde bes upaıǵa ıelik etti. Bul – qorǵaýshylar arasyndaǵy eń jaqsy kórsetkish. Barlyǵy Dıs qarsylastar qaqpasyna osy aptada 20 shaıba baǵyttaǵan eken.
Al ózge úsh atalymda myna hokkeıshiler jeńimpaz atandy:
«Úzdik qaqpashy» – Vasılıı Koshechkın («Metallýrg» Magnıtogorsk)
«Úzdik shabýylshy» – Denıs Parshın («Torpedo», Tómengi Novgorod)
«Úzdik jańa oıynshy» – Maksım Afanasev («Lokomotıv», Iаroslavl),
Ǵalym SÚLEIMEN,
«Egemen Qazaqstan»